Rock Mot Rus 2013

Har endelig fått redigert ferdig bileta frå Rock Mot Rus 2013 som eg fotograferte for sist fredag (22. mars). Må fyrst av alt få nemne kor utrulig deilig det var å ta fatt på kameraet (nei vent kamera) å begynne å fotografere festival igjen. Det er ikkje mykje som kan samanlikne den følelsen. Stresset, stemninga, varmen og alt det andre om kvarandre.

I år valte eg å ta med meg både hovudkameraet mitt (Nikon D3), og backupkameraet mitt (Nikon D80), for på den måten å heile tida kunne ha med meg to objektiv. Eg brukte stort sett Nikkor 50mm f/1,8 og Nikkor 18-70mm f/3,5-4,5. Dermed hadde eg eit godt lyssterkt fastobjektiv og eit zoomobjektiv i tilfelle eg skulle trenge det. Likevell brukte eg mest fastobjektivet, men av og til var det veldig greitt å kunne bytte på eit par sekund i staden for å fysisk måtte skifte objektiv når eg sto framfor scena. Det gjorde alt veldig mykje lettare.

Eg starta å jobbe på festivalen ca kl 16.00 på fredagen, så eg rakk så vidt å springe heim frå jobb og få henta det eg trengte og å ete mat. Reiste fyrste gong frå festivalen 05.00, så då hadde eg jobba konstant frå 07.30 morgonen før. Akkurat då var det veldig godt med ei lita pause (begynte på «jobb» igjen kl. 09.00). Men samtidig så går tida så fort at det ikkje gjer noko, men skal innrømme at det tek på uansett.

Men når alt det er sagt så kosa eg meg kjempemykje, og er glad eg fekk sjansen til å fotografere på festivalen igjen. Fekk også plass i fotocrewet i fjor, men då blei det heller ein helgetur heim for å fotografere Kaizers Orchestra 2x, Chasm og familiebesøk.

Innlegg med fotografia frå festivalen kjem rullandes ca eit kvar dag den neste veka, og kanskje litt lenger. Nr 1 kjem seinare i dag.

 


* hei her er eg

Ingen kommentarer

Skriv en ny kommentar


Image and video hosting by TinyPic
Mitt navn er Linda, eg er 20 år. Eg kjem frå ein liten stad på Vestlandet, og er no ferdig med min fyrstegongstjeneste og fyrste år som lærling. Eg er no andreårslærling i fotograffaget i luftforsvaret i Nord-Noreg, nærare bestemt på Andøya Flystasjon. Trives veldig veldig godt og er glad eg valgte Forsvaret.

Fotointeressa har vore stor i rundt 7 år no, men eg har berre fotografert seriøst med speilrefleks i 5 år. Det eg er mest interessert i, er konsert/festival foto men også portrett og natur. Eg tek på meg fotooppdrag både i fotostudio og andre stadar.

Eg begynte å blogge på denne bloggen for litt over 5(?) år sidan, men det er fyrst no i løpet av dei siste åra at bloggen har blitt rein fotoblogg.

På fritida fotograferar eg for fleire festivalar i tillegg til Eternal Terror, Studenthuset Rokken og Rust Club & Scene.

Eg har også ein annan blogg der eg skriv om alt det andre eg gjer på fritida, den har fått navnet http://www.fivreld.blogg.no.

Bloggen blir skriven av © Linda L. Nordstrand og er beskytta av lova om opphavsrett til åndsverk. Det betyr at du ikkje kan kopiere tekst, bilete eller anna innhald utan skriftleg tillatelse.

hits